ZAPATUA BETERIK

Atzo, zapatua, eguna beterik izan nuen, gauza asko egin nituelako. Lehenengo, futbol-partida amistosoa izan nuen Elexalden, Arizen kontra.5-4 irabazi genuen, baina amistosoa zenez, ez genuen albitrorik eta orduan gure entrenatzailea (Julen) izan zen. Basaurikoek gure entrenatzaileari bronka botatzen hasi ziren "casero" esanez. Orduan, Arizeko jokalari bi kexaka hasi ziren, Basaurin haien kontra galdu genuelako, eta horregatik txarto albitratzen zuela gure entrenatzaileak. Baina, irabazi genuenez oso ondo geratu nintzen, kexatiei irabaztean oso ondo geratzen zarelako.
Bueno, etxera joan nintzen jatera, eta  bukatzean pixka bat deskantsatu, eta telepizzara joan nintzen Asier eta Ekaitzen urtebetetzea ospatzera. Baina, Asierrek azken orduko aldaketak zeudela esan zidan, telepizza beteta zegoelako, eta bere etxera joan ginen. Han, terrazako mahai handi batean jan genituen telepizzatik ekarritako pizzak, eta edariak:  fanta, coca cola eta aquarius. Azkenean zoriondu egin genien, tarta jan genuen, eta Asierrek gitarra jo egin zuen.

Bukatzeko Simon Linazako parkera joan ginen eta poliziak eta lapurretara jolasten aritu ginen.
 ZELANGO EGUN NEKETSUA!